Натпревар за иновации: Кога вработените ја обликуваат иднината со вештачка интелигенција.

„Промовирање на меѓународна размена и соработка притоа инспирирајќи ја креативноста на нашите вработени со цел да се поттикне одржливиот напредок за нашите клиенти“, како што  Карстен Тидоу, управен директор на EOS за Источна Европа, ги опишува целите на натпреварот за иновации „Ѕидот на славните“ ширум Групацијта. 

Овогодинешното мото „Меѓународни иноватори“ беше избрано за да ги поттикне вработените од сите национални компании да развијат свои иновативни идеи за оптимизирање на процесите, зголемување на ефикасноста и подобрување на резултатите. „Никој не ја знае секојдневната работа подобро од нашите вработени“, додава Карстен. „Би се граничеле со кривична небрежност ако ги изоставиме!“

Натпреварот се одржа по трет пат оваа година. Учесниците започнаа со поднесување поединечни проекти, а најуспешните од нив потоа беа поделени во меѓународни тимови за да ги развијат своите идеи рака под рака со друга земја на финален проект. Во последната рунда, која се одржа на почетокот на јуни за време на „Connect Meeting“ состанокот за менаџери и таленти, финалистите ги презентираа своите проекти и се натпреваруваа во докажување на релевантноста на нивните идеи за компанијата.

Победниците беа избрани со комбинирање на оценките доделени од панел на жири-експерти, резултатите од меѓународното гласање во живо каде учествуваа сите 6.000 вработени во EOS и гласовите на учесниците на „Connect Meeting“ преку апликацијата. Таму беше Себастијан Полмер, член на Управниот одбор на Групацијата EOS и одговорен за Западна Европа и член на жирито, кој со голем ентузијазам го сумира последниот круг: „Настанот беше полн со енергија. Благодарност до сите учесници за нивните одлични идеи!“

Презентираните идеи беа различни и се движеа од виртуелни канцеларии до софтвер за вештачка интелигенција кој им помага на вработените во обработката на документите. Финалистите дојдоа од повеќе земји, меѓу кои Германија, Словачка, Шпанија, Унгарија и Хрватска. Сепак, тимот од Полска и Романија, претставен од Мадалин Маријан ГИТА и Павел Рутковски, на крајот ја однесе победата. Нивниот систем за вештачка интелигенција наречен „Nicallai“ се труди да го автоматизира процесот во центарот за контакт со корисници. Се стреми да го намали обемот на работа на вработените во центарот за контакт со корисници не само со фактот што „Nicallai“ прифаќа дојдовни повици, туку и активно иницира повици.

„Nicallai“ е поврзан со сопствениот систем за наплата на долгови на EOS, Kollecto+ преку интерфејс и може самостојно да го одреди идентитетот на лицето за контакт, да дава информации за постоечките случаи и да преговара за поединечни планови за отплата. Оваа иновација може да ја зголеми продуктивноста на телефонските услуги за речиси 90 проценти во иднина.

За победничкиот тим, вистинската работа само што започнува, бидејќи сега им се дава шанса да ја применат својата теоретска идеја во пракса. „Знаеме кои се следните чекори и веќе имаме јасен план како сакаме да се справиме со нив“, објаснува Мадалин Маријан ГИТА од тимот „Nicallai“, лидер на техничкиот тим во EOS IT Services во Романија. „Ние имаме за цел да го воведеме системот во следните девет месеци. Дотогаш, тимовите следната година веројатно веќе ќе работат на иновативни идеи за следната рунда на натпреварот.“