Европски платежни практики: Компаниите ја одложуваат дигитализацијата во опоменувањето.

Со дигитализирано опоменување, компаниите можат побрзо и поефикасно да реагираат на ненавремени плаќања. Сепак, само мал дел од европските компании моментално го користат. Само секоја 8-ма европска компанија (12 проценти) има целосно дигитализиран процес на опоменување. Најмалку речиси три четвртини можат да се потпрат на делумно или дури во голема мера дигитализиран процес на опоменување (73 проценти) во случај на неплаќање. Пред три години, тоа беше 65 проценти*. Ова го покажува актуелната студија на ЕОС „Европски платежни практики 2025“, во која учествуваа 2.200 финансиски донесувачи на одлуки од компании во 11 земји.

Постои значителна разлика помеѓу пионерите и оние кои заостанануваат во дигитализацијата на процесот на опомена во Европа. Шпанија (65 проценти), Романија (64 проценти) и Словенија (64 проценти) имаат највисок степен на дигитализација. Германските компании се на дното на европската споредба: Тука, само 49 проценти имаат во голема мера или целосно дигитализирани процеси на опоменување.

8 проценти од европските компании сè уште во голема мера опоменуваат рачно, 6 проценти дури и немаат стандардизиран процес за наплата на неплатени побарувања.

Во моментов, една четвртина од фактурите од европските компании се плаќаат доцна или воопшто не се плаќаат. Речиси половина (48 проценти) од финансиските донесувачи на одлуки во компаниите веруваат дека една од главните причини за лошата платежна дисциплина кај деловните клиенти се бавните и недигитални процеси. 46 проценти го посочуваат несоодветното однесување на персоналот како причина за доцнење, а 44% проценти наведуваат формални грешки во обработката на фактурите. За приватните клиенти, заборавеноста се смета како една од главните причини за доцнењата во плаќањата. Дигиталните процеси би можеле да понудат решение овде: тие го олеснуваат процесот на плаќање за клиентите и обезбедуваат транспарентност во однос на роковите за плаќање. Генерално, дигитализацијата создава поефикасен систем за плаќање и значително ги намалува споровите и недоразбирањата. Од страна на компанијата, целосно дигитализираниот процес на опоменување го намалува рачниот ангажман, ги намалува оперативните трошоци, ги забрзува плаќањата и им овозможува на вработените да се фокусираат на посложени задачи“, забележува Паул Балтаг, менаџер за дигитална трансформација во ЕОС Романија.

Понатаму, дигитализацијата помага во справувањето со корисниците: автоматски го избира комуникацискиот проистап кој ветува најголем успех. „Станува навистина интересно кога опомената не е само обично потсетување, туку директно нуди поедноставена опција за плаќање– на пример, преку платежен линк или функции за отворено банкарство. На овој начин, тоа не е само потсетник за плаќање, туку непречено решение за клиентите“, додава д-р Марсел Мајр, раководител на корпоративен развој во ОТТО Плаќања, платежниот партнер на ОТТО. Онлајн трговецот на мало ОТТО, како и ЕОС, припаѓа на Ото Групацијата.

Дигитализацијата е основа за масовно користење на податоците: „Во ОТТО, добиваме до 35 нарачки во секунда; без паметно автоматизирани процеси за потсетници за плаќање и опомени, воопшто не би можеле да го управуваме овој обем“, објаснува д-р Марсел Мајр. Понатаму, употребата на вештачка интелигенција во опоменувањето станува сè поважна. „Можностите за примена на AI внесуваат „интелигенција“ во постоечките автоматизации, кои претходно функционираа според едноставни правила. Потенцијалот што може да се искористи овде во управувањето со побарувањата во наредните години е огромен. Во оваа смисла, трката со вештачката интелигенција значително го зголемува притисокот врз оние компании кои сè уште се во раните фази на дигитализација.“